20
Sat, Jul
0 New Articles

Aban, AMP Kampaña iha Ainaro, FRETILIN iha Manatuto

Implema partidu FRETILIN, PD, CNRT, PLP NO KHUNTO. Foto, Media ONE Timor.

Breaking News

Dili-SMI, Kalendariu nasionál ba kampaña eleitorál iha eleisaun antisipada ne’ebé monu iha loron 11 Maiu (aban), Partidu Aliansa ba Mundansa no Progresu – AMP hala’o primeiru kampaña eleitorál iha munisipiu Ainaro no FRETLILIN iha Manatuto.

Xefe Bankada Partidu CNRT Arão Noe hateten kampaña eleitorál sei hahu iha munisipiu Ainaro ne’ebé sei lider diretamente husi lider bloku AMP hanesan Xanana Gusmão, Taur Matan Ruak no Jose dos Santos alias Naimori Bukar.

“Prezidente partidu tolu sei iha ne’eba hotu halo abertura depois halo kontinua hanesan ne’e fahe ba ekipa tolu, ekipa ida ne’ebé lidera husi Kay Rala Xanana Gusmão, ekipa ida lidera husi Taur Matan Ruak, no ekipa ida seluk lidera husi Konselleru Superior KHUNTO Maun Naimori”, dehan Arão Noe iha Salaun Laline Larigutu, Kinta, (05/04) semana kotuk.

Arão esplika katak iha primeiru kampaña ne’e AMP sei hato’o ninia programa polítika ba tinan lima mak oinsa restaura fali konstituisaun no lei, defende riku-soin iha tasi-timor no planu dezenvolvimentu nasionál ne’ebé AMP atu halo iha futuru.

 “Kampaña programa ami nian, programa anual ami nian programa preparadu ona ne’ebe orsida sei hato’o iha ne’eba. Iha primeiru fundamental liu mak atu restaura liu, ba fali konstisuisaun no lei hanesan estadu de direitu demokratiku, segundu mak atu defende rikusoin tasi timor nian ida ne’e programa fundamental seluk programa sira ne’ebe implementa ona durante planu desenvolvimentu nasional sei sai materia fundamentu ba programa AMP nian  ida ne’e mak atu hala’o iha governasaun  durante 2018 ate 2023”, dehan nia.

Nia mós hakuir katak AMP sei la uza asuntu fronteira maritima ba kampaña tanba públiku iha Timor-Leste hatene ona tanba Xefe negosiador Xanana Gusmão halo ona aprezentasaun relatóriu aberta ba públiku.

 Parte seluk, tuir informasaun ne’ebé SMI asesu husi CCF katak partidu FRETILIN nia kampaña primeiru iha Manatuto sei lidera husi Sekretariu Jerál partidu Mari Alkatiri, atuál Ministru Defeza no Seguransa José Agostinho Sequiera ‘Somotxo”, Vise Prezidente Adjuntu no Vise Adjuntu Sekretáriu Jerál partidu nian. (Editor, Lariwa)

Pin It

Follow us on Twitter

Sign up via our free email subscription service to receive notifications when new information is available.