Díli-SMI: Ministériu Agrikultura no Peska – MAP kontinua prepara rekursu guarda florestal liu-hosi fó bolsa ba timoroan hodi hala’o estudu iha nasaun Indonézia atu bele iha futuru bele kontribui ba dezenvolvimentu florestais iha nasaun foun ida-ne’e.
“Orgulho no kontenti tebes simu Bolseirus Estudantes sira ne'ebe remata ona, no husu atu nafatin hatudu disiplina no prontu atu dedika -an servisu iha arèa Florestas iha Diresaun Geral Florestas Cafè, no Plantas Industriais, hodi kontribui siensia no matenek ne'ebe sira aprende ba Dezenvolvimentu Florestas iha Timor-Leste”, dehan, Ministru Agrikultura no Peska, Pedro dos Reis, iha Comoro, Díli, Segunda, (09/08).
Pedro, esplika, durante ne’e estudante timoroan hetan bolsu estudu iha nasaun Indonézia iha área espesializada florestal nian hamutuk ema na’in 20 maibe ema na’in 15 remata ona estudu no hela ema na’in 5 mak sei kontinua hodi kompleta sira nia estudu.
No, Governu liu-hosi MAP kontinua prepara estudante foun hamutuk ema na’in 10 ne’ebé sei haruka ba Indonézia hodi hala’o estudu hanesan iha área Floresta nian.
“Durante ne'e estudante ne’ebé mak eskola kona-ba kehutanan hamutuk 20 na’in 15 mak fila ona mai timor no na’in 5 mak sei hela hodi kompleta sira nia estudu no prepara tan estudante foun hamutuk nain 10 atu dezloka ba indonézia”, katak, dos Reis.
Dezde ukun-an to’o ohin loron Governu infrenta problema ho rekursu guarda florestal tanba iha de’it ema na’in 85 ne’ebé fó impaktu ba polítika ministériu kona-ba dezenvolvimentu florestal iha rai-laran.
Tan-ne’e, Governante ne’e husu autoridade Indonézia atu kontinua fó oportunidade ba timoroan hodi hala’o estudu kona-ba sensia flrorestal iha nasaun refere.
“Governu nafatin fó oportunidade no husu ba Embaixador Indonéziaia no Ministru linkungan hidup, atu kontinua fó nafatin oportunidade ba estudante timoroan atu ba aprende iha neba
"Hanesan iha Timor Leste ita hotu hatene katak guarda florestal hamutuk 85 deit no presiza tebes estudante sira nia kapasidade atu Nune'e ba futuru sira bele implementa buat ruma iha ita nia rain”, tenik nia. (Editór, Caleri).
