18
Sat, Sep
1 New Articles

GPF Aprezenta Proposta Tematiku 5 Ba PN

Enkontru entre GPFTL ho GMPTL iha Salaun Parlamentu Nasional. Foto, Mídia PN.

Flash News

Díli-SMI: Grupu Parlamentu Foinsa’e Timor-Leste – GPFTL aprezenta pontu tematiku lima (5) ba Parlamentu Nasional – PN liu-liu Grupu Feto Parlamentar Timor-Leste (GMPTL - sigla Portugues) mak hanesan Joven ho Edukasaun, Joven ho Moris Saudavel, Joven ho Empregu no Empregabilidade, Joven ho Partisipasaun Siviku no Joven ho Violensia no krime.

“Durante reuniaun, Grupu Parlamentu Foin-sa’e aprezenta sira nia proposta ne’ebe mak durante ne’e sira diskuti iha plenaria no aprova ona area tematika lima hanesan Joven ho Edukasaun, Joven ho Moris Saudavel, Joven ho Empregu no Empregabilidade, Joven ho Partisipasaun Siviku no Joven ho Violensia no krime”, dehan, Prezidente GMPTL, Lídia Norberta dos Santos, Kinta, (26/08), iha PN.

Asuntu tematiku hirak ne’ebé parte grupu Parlamentu Foinsa’e Timor-Leste aprezenta ne’e bazeia ba polítika nasional joventude nian durante ne’e.

Parte GMPTL sente kontente no agradese ba GPFTL ne’ebé kontribui dadus ba PN liga ho prosesu dezenvolvimentu nasional no konstrusaun Estadu.

“Agradese tebes ba kontribuisaun dadus liu-liu proposta hirak ne’ebe Grupu Parlamentu Foin-sa’e prepara. GMPTL apresia tebes ho inisiativa joven sira-nian hodi kontribui ba prosesu dezenvolvimentu no futuru joven sira rasik”, tenik Deputada Lídia Norberta.

Ho nune’e, reprezentante povu iha uma fukun Parlamentu Nasional ne’e promete atu aprezenta dadus hirak ne’e ba Ministériu relevante sira hodi bele konsidera iha planu asaun anual nian.

“Dadus sira ne’e sei (ami sei) aprezenta ba ministériu sira hodi bele konsidera iha planu asaun annual”, nia argumenta.

Grupu Parlamentu Foinsa’e halo atividade plenaria durante loron 2 hodi diskute asuntu tematiku hirak ne’e antes aprezenta ba GMPTL.

Enkontru refere partisipa mós hosi Vise Prezidente ho Sekretaria GMPTL. (Editór, Caleri).

 

 

Pin It

Follow us on Twitter

Sign up via our free email subscription service to receive notifications when new information is available.