25
Mon, Oct
0 New Articles

Deskonfia Atu Na’ok Karau Iha Atambua, PNTL Kaptura Timoroan Na’in 3

Ekipa Konjunta UPF, BOP no COE kaptura timoroan ema na’in 3 iha área Memo ne’ebé deskonfia atu na’ok karau iha Atambua. Foto, Midia PNTL.

Flash News

Maliana-SMI: Movimentu ilegál iha fronteira trestre no kazu na’ok karau komunidade sira nian ne’ebé kontinua buras durante ne’e sai alvu ba instituisaun seguransa,  ikus mai kaptura timoroan na’in 3 ne’ebé deskofia atu na’ok karau iha area Indonézia nian, iha loron 25 Setembru 2021.

Kapturasaun ba timoroan na’in 3 ne’ebé liu-hosi patrollamentu konjunta ekipa Polísia Nasionál Timor-Leste ne’ebé kompostu hosi Komandu Operasaun Espesiál – KOE no Batallaun Ordem Públiku – BOP, no Unidade Patrollamentu Fronteira – UPF, iha área Memo no Saburai, Postu Administrativu Maliana, Munisípiu Bobonaro.

“Ekipa Konjuta hosi Comando Operasaun Espesial np Batalion Ordem Publik ho Unidade Patrollhamentu Fronteira kaptura sidadaun Timoroan ne’ebé deskonfia atu ba na’ok karau iha Atambua-Indonézia ho dalan ilegál.

“Ekipa ne’e lidera hosi Inspetór Asistente, Mateus Pinto, ne’ebé destaka iha Postu Memo Bobonaro no Saburai”, dehan, komunikadu hosi PNTL, Duminggu, (26/09).

Hosi patrollamentu konnjunta ne’e, instituisaun seguransa konsege kaptura timoroan mane na’in 3 ho evidénsia sira hanesan tali atu kesi animal, iha loron 25 Setembru 2021, maizumenus tuku 08:00 OTL nian.

“Iha operasaun nee ekipa konjuta konsege kaptura ema na’in tolu (3) ho evidénsia mak hanesan tali atu kesi karaun”, esplika iha komunikadu ne’e.

Ekipa konjunta kontinua buka tuir timoroan na’in 5 ne’ebé konsege halai atu halo kapturasaun hodi entrega ba parte kompetente nune’e bele prosesa tuir dalan legál.

No, timoroan ema na’in 3 ne’ebé hetan kapturasaun parte ekipa konjunta entrega on aba komandu munisípiu Bobonaro hodi halo proeseu investigasaun. (Editór, Caleri).

 

Pin It

Follow us on Twitter

Sign up via our free email subscription service to receive notifications when new information is available.