Baucau-SMI: Udan no anin boot ne’ebé akontese orseik (22/12) parte dadersan iha Suku Bucoli, Postu Administrativu Baucau Vila, Munisípiu Baucau konsege estraga komunidade hamutuk ema na’in 81 nia uma inklui edifísiu Ensino Báziku Filiál Bucoli nian.
Liga akontesementu dezastre naturais iha área refere, Xefe suku Bucoli, Terezinha Reis, esplika, parte autoridade lokál halo ona levantamentu dadus ba komunidade hirak ne’ebé uma hetan estraga tanba anin no udan-boot.
“Aldeia hat ne’ebé mak afeita hosi Dezastre Naturais kompostu hosi aldeia Macadai De Baixo, Aldeia Luliheni, Aldeia Waisemo no Aldeia Lekiloiwatu. Oitenta uma kazas hosi aldeia hat Waisemo maismenus oiutuan,aldeia Macadai de baixo ho Luluheni mak barak liu, Lekiloiwatu iha ida Aubaca ho Macadai Dexima la iha”, dehan, Xefe Suku Bucoli Postu Adminitrativu Baucau Vila, Terezinha Reis, ba Rádiu Komunidade Lian Matebian, Tersa, (22/12).
Iha parte seluk, Kordenadór Eskola Ensino Báziku Filiál Bucoli, Leonardo Martinho Lopes, informa, edifísiu eskola mós hetan estragu liu-liu uma kakuluk anin sobu to’o monu ba rai inklui livru sira.
“Anin boot akontese 10 oras meia sae mai eskola EBF Bucolic edifísiu rua sala de aula hitu ne’ebé estraga totál kedas, sobu kalen lori sai hotu foti sasan lorisai hotuarmari, livru eskola laran udan estraga hotu”, tenik, Leonardo Lopes.
Kordenador EBF Bucolic ne’e sei prepara relatóriu hodi submete ba edukasaun munisípal no nasionál hod nune’e bele resonde ba situasaun ne’ebé eskola refere infrenta.
“Ha’u sei halo relatóriu ba edukasaun munisípiu no nasionál atu bele tau-matan lalais ba eskola Bucolic ne’ebé at ne’e anin sobu hodi kalan nune’e dois mil binte dois mai janeiru hahu aulas bele lao fila fali” Tenik, Leonardo.
Sorin seluk, komunidade ne’ebé sai vítima ba anin boot, Cesar Gonsalves da Silva, esplika, wainhira anin sobu ninia uma konsege ho família halai sai ba hela ho vizinu hodi salv an hosi dezastre naturais refere.
“Anin sobu tiha (uma), udan ne’e komesa neineik halai sai ho família no bebe ho avo ba hamutuk fali ho família leten”, dehan nia. (Editór, Rui Santos).
