Australia-SMI: Delegasaun Timor-Leste ne’ebé lídera hosi Ministériu Interior partisipa forum diskusaun nivél internasional “Bali Process” hodi diskute kona-ba asuntu kontra umanidade hanesan tráfiku umanu, krime transnasionál iha Australia.
Partisipasaun delegasaun TL iha Konferénsia internasional “Bali Process” ba da-ualu ne’e nu’udar forum dialogu polítika atu fahe informasaun ba malu hodi bele ajuda rezolve dezafiu no problema umanidade nian iha rejiaun.
“Delegasaun hosi Timor-Leste hodi partisipa iha oitavu Konferensia Ministeriál Bali Process on People Smuggling, Trafficking in Person and Related Transnational Crime 2023 paralelu ho Senior Oficial Meeting (SOM), ba dala 18, hodi hasa’e konsiénsia efetivu rejionál nia kona-ba konsekuénsia husi kontra bandu, tráfiku ema no krime transnasionál nian
“Bali Process hanesan forum diálogu polítiku, fahe informasaun no kooperasaun pratiku atu ajuda rejiaun hodi rezolve dezafiu sira. Estratejia Bali process ba kooperasaun inklui programa atividade servisu ba oin, ajuda Bali process nia servisu atu implementa prioridades tuir diresaun ministru sira nian”, dehan, Vise Ministru Interior, Antonio Armindo, iha Komunikadu ne’ebé SMI asesu foin lalais ne’e.
Pontu pozitivu hosi diskusaun iha forum internasional refere sei kontribui hodi kombate movimentu irregulár ema nian iha rejiaun bali process liu-liu iha Timor-Leste, hodi ajuda kualidade dezenvolvimentu, konsistente no enkuadramentu migrasaun nian sai di'ak liután
Pontu prinsipál ualu (8) mak sai asuntu save iha diskusaun forum “Bali Process” ne’ebé partisipa hosi nasaun hamutuk 48 inklui ho organizasaun mundial sira.
“Forum ida-ne’e foka liu iha area kooperasaun prinsipál 8 maka hanesan, aplikasaun lei ne’ebé eziste entre nasaun membru, hametin kooperasaun ho partes interesadas, promove fahe informasaun publika entre nasaun membru, kontribui hodi kombate movimentu irregulár ema nian hakat liu fronteira, ajuda kualiadade hodi haforsa Jestaun Fronteira, no ikus-liu halo koordenasaun hodi hetan apoiu.
“Konferénsia ida-ne’e lidera husi Guvernu Austrália ho membru hamutuk 48 resin, inklui UNHCR, IOM, UNODC no-mós nasaun membru observadór sira no organizasaun internasionais relevante, Inklui grupo Ad Hoc, hodi rezolve kontra bandu espesifiku, tráfiku umanu no migrante irregulár iha kada rejiaun”, SMI sita hosi Komunikadu.
Delegasaun TL ne’ebé partisipa konferénsia internasional refere kompostu hosi Ministériu Interior, parte Migrasaun, instituisaun PNTL hanesan VPU no seluk tan. (Editór, Guido Santos).
