24
Mon, Jun
0 New Articles

KSTL Ejize Governu Implementa Ona Saláriu Minimu $135 Ba Traballador

KSTL halo Konferénsia iha Sede Kintal-Boot, Díli, Foto, Mídia KSTL.

Flash News

Díli-SMI: Konfederasaun Sindikatu Timor-Leste – KSTL ejize ba VIII Governu ne’ebé lidera hosi Primeiru Ministru, Taur Matan Ruak, atu implementa ona saláriu minimu $135 ba traballador sira.

Tuir KSTL nia haree, Governu la-tau seriedade ba asuntu saláriu minimu ba traballador tanba to’o ohin loron seidauk aprezenta ba Konsellu Ministru maske mandatu besik remata ona.

“Governu (Ministeriu Coordenador Asuntu Economiku/ MCAE) to'o ohin loron seidauk aprezenta Proposta Dekretu Lei Salariu Minimu inklui ho Valor Salariu Minimu ba Konsellu Ministru, haree mandatu Governu nian hela deit fulan hirak nia laran.

“Salariu Minimu iha Timor Leste hanesan retorika deit tamba Governu iha mudansa bebeik ona maibe problema Salariu Minimu iha Timor Leste nunka hetan solusaun”, SMI sita Komunikadu ofisial hosi KSTL, foin lalais ne’e.

Proposta kona-ba saláriu minimu hosi Konsellu Nasional Traballu - KNT ne’e aprezenta ona ba Ministru Kordenador ba Asuntu Ekonómiku (sigla Portugues MCAE) tinan 3 liu-ba maibe to’o ohin loron seidauk lori ba Konsellu Ministru hodi diskute.

Nune’e, KSTL husu ba MCAE atu aslera lalais prosesu aprezentasaun Dekretu Lei Saláriu Minimu ba Konsellu Ministru ne’ebé hetan ona konsensus Tripartida iha KNT, tinan 2019.

“Proposta Saláriu minimu hosi Konsellu Nasional Traballu aprezenta ona ba MCAE iha tinan 3 liu ba maibe infelizmente Salariu Minimu nafatin iha inserteza nia laran.

“KSTL ejize mós ba MCAE atu aprezenta proposta saláriu minimu ho montante ne’ebé hetan ona konsensus TRIPARTIDA, iha Konsellu Nasional Traballu iha tinan 2019 liu ba tamba liu hosi prosesu peskiza no konsultasaun ne’ebé naruk tebes hodi ikus mai valor ne’e konsege CNT finaliza no determina nia montante”, hakerek iha komunikadu ne’e.

Salariu minimu nu’udar saláriu Dignu, la’os kestaun kona-ba valór saláriu maibe bele fó moris dignu ba traballadore sira ho nia familia.

 KSTL sei rejeita wainhira MCAE aprezenta fali valór saláriu minimu seluk menus hosi $135 maibe propoin hosi KNT refere.  (Editór, Guido Santos).

Pin It

Follow us on Twitter

Sign up via our free email subscription service to receive notifications when new information is available.