Díli-SMI: Tribunal Rekursu – TR iha loron Kuarta, (29/03) hasai ona lista sorteiu ordenamentu kona-ba Partidu Polítiku – PP hamutuk sanolu resin hitu (17) mak sei konkore iha eleisaun jeral tinan 2023 nian.
Rezultadu dada sorteiu ba Partidu Polítiku nian, Partidu Dezenvolvimentu Nasional – PDN hetan númeru 1, Partidu Livertasaun Povu Aileba – PLPA hetan númeru 2 no Partidu Libertasaun Popular – PLP tama iha númeru 3.
Partidu boot rua hanesan Conselho Nacional Reconstrução Nacional – CNRT hetan númeru sorteiu 12 no Frente Revolucionária de Timor-Leste Independente – FRETILIN hetan sorteiu 11.
Númeru sorteiru 4 mak hanesan Partidu Demokratiku – PD no tuir partidu Kmanek Haburas Unidade Nasional Timor Oan – KHUNTO. Partidu Os Verdes de Timor – PVT hanesan partidu foun hetan númeru sortei 6.
Partidu seluk, hanesan UDT hetan númeru sorteiu, PUDD hetan númeru sorteiu 8 no Partidu Repúblikanu – PR hetan númeru sorteiru 9.
Partidu APMT mak mak hetan númeru sorteiu ikus liu mak númeru sorteiu 17, UNDERTIM hetan númeru sorteiu 10, PDC hetan númeru sorteiu 16, PST hetan númeru sorteiu 15, CASDT hetan númeru sorteiu 13 no PLPM hetan númeru sorteiu 14.
Iha parte seluk, Partidu Frente Mudansa – FM hetan notifikasaun hosi tribunal no partidu ne’e rasik la-tama iha númeru sorteiu atu tuir ka konkore eleisaun jerál tinan ida-ne’e.
Tuir kalendariu eleisaun parlamentar tinan 2023 ne’ebé Prezidente Repúblika, Jose Ramos Horta, deside ona mak loron eleisaun jerál sei akontese iha loron 21 fulan Maiu tinan 2023. (Editór, Guido Santos).
