20
Mon, May
0 New Articles

Vatikanu Nomea Pe. Leandro Maria Alves Sai Bispu Disocese Baucau

Bispu eleitu, Pe. Leandro Maria Alves, prezide hela misa. Foto, Internete.

Flash News

Baucau-SMI: Governu vatikanu liu-hosi Amu Papa Francisco hili ka nomea ona padre Parokia Díli, Leandro Maria Alves, sai nu’udar amu Bispu daruak ba Diocese Baucau  ne’ebé sei simu pose ba ordenasaun episcopal fulan tolu oin mai.

“Loron ba tomada de pase seidauk bele fó sai tamba, sei deside hosi Bispu foun halo preparasaun durante fulan tolu nian laran molok hakat ba ordensaun episkopál, enkuantu realizasaun ordenasaun posiblidade sei realiza iha Diocese Baucau”, esplika, Administrador Diocese Baucau, Pe. Alipio Pinto Gusmão, foin lalais ne’e iha Diocese Baucau.

Administrador Diocese Baucau, Padre Alipio Pinto Gusmão, senti kontente no agradese no agradese ba na’i maromak tanba iha ona bispu foun atu lidera Diocese Baucau.

“Hau kontenti tanba durante ne’e Diocese Baucau ita hein liu hosi orasaun sira ita reza tanba diocese ida iha fatin ne’ebe deit nia nain mak Bispu, administador mai administra de’it ba oin ita iha ona bispu foun”, dehan, Padre Alipio Pinto, Kuarta, foin lalais ne’e iha Diocese Baucau.

Relasiona ho nomeasaun foun Bispu Baucau nian, Administrador Diocese Baucau, Alipio, esplika, parte Diocese Baucau sei kordena ho padre Leandro Maria Alves kona-ba ordenasaun episkopál nian.

“Ita sei harii komisaun atu oinsa (bele) prepara ordenasaun episkopál no toma pose nian” esplika, Pe. Alipio.

Parte seluk, Vise Chancler da Diocese Baucau, Padre Deonisio Soares, hateten, sarani Timor-Leste presiza agradese ba na’i maromak tanba ho ita hotu nia orasaun nune’e ohin amu papa hili ona bispu foun ba Diocese Baucau.

“Ita agradese ba Maromak ba prosesu sira hotu ita halo hamutuk too ohin loron halo nomesaun ba ita nia bispu foun diocese Baucau nian”, dehan, Padre Dionisio Soares.

Pe. Leandro Maria Alves rasik moris iha Ermera loron 10 fulan Maiu tinan 1974 no hahú ninia ordenasun Diaconal iha tinan 2005, ordensaun saserdotal iha loron 8 fulan Dezembru tinan 2006.

Bispu eleitu ba Diocese Baucau ne’e dadaun hala’o knaar nu’udar Paroco Parokia de Katedral Díli nomos nu’udar Sekretariu Ezekutivu Konferensia Episkopál Timorense – KET. (Editór, Rui Santos).

Pin It

Follow us on Twitter

Sign up via our free email subscription service to receive notifications when new information is available.