13
Sat, Apr
0 New Articles

Hatudu Hahalok La-Respeitu Ba Aman, Oan Simu Maubeka

Vitima ne’ebé hetan tá hosi nia aman iha área Cacaulidun, Suku Bairopite, Postu Administrativu Dom Aleixo, Munisipiu Díli. Foto, Mídia Interior.

Flash News

Dili-SMI: Aman ida iha Suku Bairopite, Postu Administrativu Dom Aleixo, Munisípiu Díli, Sexta semana kotuk (09/06) foti maubeka (katana) hodi tá ninia oan mane to’o liman siku hetan kanek tanba sente nervozu ho hahalok malandru ona mane nian.

“Komandu PNTL Esquadra Dom Aleixo hamutuk ho Servisu Sekreta Makikit hosi PNTL Munisipiu Dili, asegura suspeitu nain-1 ho naran DCM tanba uza katana hodi tá vítima L ne’ebé hanesan mós nia oan mane rasik iha area Cacaulidun, Suku Bairo-Pite, Postu-Administrativu Dom Aleixo, Munisípiu Dili”, dehan, Komunikadu ofisiál PNTL ne’ebé SMI asesu foin lalais ne’e.

Tuir kronólojia akontesementu ne’e katak wainhira vitima ninia aman fila hosi serbisu fatin ba uma iha dadersan madrugada no to’o iha ninia rezidensia haree hela ninia oan mane ho inisial L haree (nonton) televizaun hodi asiste joga bola no dehan ba ninia oan atu tuir atividade relijioza nian maibe ninia oan mane hatan ho liafuan la-respeitu ne’ebé ikus mai foti katana hodi tá ninia oan mane.

“Kazu ne’e akontese ohin madrugada iha tuku 4:00 dader, wainhira suspeitu nu’udar aman fila hosi servisu fatin ba nia uma, hateten ba nia oan L ne’ebe loke televizaun hodi akompaña joga bola. No dehan ba nia oan katak “Agora ita nia bairu prepara an atu simu vizita Santo Antonio, ema mai bolu ba kesi arku o ba netik labele hein hau tanba imi bot ona”.

“Nia oan mane L simu hasoru hodi responde ba nia aman katak “Pai lanu nonok tiha”.  Rona liafuan ida ne’e nia aman la satisfaz no sente soke tanba la espera nia oan rasik atu ko’alia hasoru ho liafuan ida-ne’e, entaun ho emosaun ne’ebe nakonu loos ona nia aman foti katana tá nia oan mane hodi rezulta liman sikun kanek”, Dehan suspeitu ba nia oan mane ne’ebé haktuir hosi Komunikadu Imprensa.

Hafoin hetan kontaktu hosi servisu sekreta, ekipa patrulla Esquadra PNTL Dom Aleixo ba to’o kedas iha fatin akontesimentu hodi asegura suspeitu ho evidénsia no lori kedas suspeitu ba halo identifikasaun iha Esquadra PNTL Dom-Aleixo Comoro. (Editor, Guido Santos).

Pin It

Follow us on Twitter

Sign up via our free email subscription service to receive notifications when new information is available.