20
Sat, Jul
0 New Articles

UPM Evakua Sidadaun Na’in 7 Atu Mohut Iha Tasi

Ró patrolamentu UPM hakbesik an ba ró tula pasajeiros sira ne’ebé hetan dezastre iha tasi-klaran. Foto, Mídia UPM

Flash News

Díli-SMI: Iha loron Segunda, (12/06) Instituisaun Polisia Nasional Timor-Leste – PNTL liu-hosi Unidade Polisia Maritima – UPM salva ka evakua sidadaun na’in hitu (7) ne’ebé hala’o viazen hosi Atauro mai Díli ne’ebé hetan dezastre tanba ró ne’ebé sira sae hetan estragus la-loran tasi nian.

Iha oras 13.00, Unidade Polisia Maritima (UPM) simu informasaun husi ita nia komunidade sira nebe halao viazem hosi Atauro mai Dili. Total husi pessoal ne’ebé hala’o viazem hosi Díli mai Atauro hamutuk ema na’in hitu (7) kompostu husi Nahkoda na’in 1, kru na’in 2 no pasenjeiros na’in 4

“Wainhira sira to iha Tasi klaran entre Díli ho Atauro, sira hetan dezastre tamba Ró ne’ebé sira utiliza hetan estragus iha Ro ninia liman parte liman karuk, hodi rezulta sistema operasaun ba Ró ne rasik”, Dehan, Komandante UPM, Superintendente Polisia, Eugenio Pereira, iha Díli, foin lalais ne’e.

Komandante UMP, Eugenio Pereira, informa, sidadaun na’in ne’ebé hetan dezastre iha tasi-klaran entre Atauro no Díli ne’e hala’o atividade relijioza nian tuir misaun kongregasaun Eskolabus nian.

No, hafoin fila hosi atividade iha Atauro no fila mai Díli mak hetan dezastre iha tasi-klaran ne’ebé konsege hetan salva hosi parte UPM.

“Pasajeiro na’in 4 ne’e ba Atauro hala’o misaun igreja nian, bazeia ba misaun kongregasaun Eskolabus, iha Munisipiu Atauro, depois remata misaun no ohin dia 12 de Junho 2023.

“(Sira) fila ona mai Dili mak hetan dezastre iha Tasi klaran hafoin hetan intervensaun husi UPM no konsege salva sira lori mai to rai maran ho kondisaun nebe diak no seguru”, katak, Eugenio Pereira.

Hosi atuasaun UPM ne’e konsege salva sidadaun na’in hitu mak hanesan ema na’in 4 hanesan pasajeirus no ema na’in 3 hanesan ekipa Ró nian. (Editór, Rui Santos).

 

Pin It

Follow us on Twitter

Sign up via our free email subscription service to receive notifications when new information is available.