20
Mon, May
0 New Articles

Arif Sagran: Ema Muslimanu Na’in 8 Hosi Estranjeiru La’os Terorista

Prezidente Muslumana Timor-Leste, Arif Sagran, klarifika ba mídia sira hafoin remata enkontru ho Vise Ministru Interior, Antonio Armindo, iha Edifisiu Ministeriu Interior Vila-Verde. Foto, Mídia MI.

Flash News

Díli-SMI: Prezidente Muslumana Timor-Leste, Arif Sagran, defende sidadaun estranjeiru hosi nasaun estranjeiru na’in ualu (8) ne’ebé deskonfia nu’udar terorista tanba sidadaun hirak ne’e tama territóriu nasionál hetan ona autorizasaun hosi parte migrasaun nian.

“Horseik ita rona informasaun ida laloos katak ema Pakistan nain 8 mai iha ne’e hanesan terorista no informasaun ida ne’e espalla iha komunidade sira nia let. Tanba ne’e atu informa ba komunidade hotu katak informasaun hirak ne’e ita konsidera hoax.

“Tanba fulan ida antes sira mai iha ne’e halo uluk ona pedidu formal mai iha Vise-Ministru Interior no hetan ona despasiu iha fulan ida antes inklui halo koordenasaun di’ak ho Diresaun Jeral Servisu Migrasaun no horseik sira to’o iha Dili ho di’ak”, dehan, Arif Sagran, hafoin remata enkontru ho Vise Ministru Interior, Antonio Armindo, iha edifisiu Ministeriu Interior, Vila-Verde, Kuarta (14/06).

Sagran, esplika, sidadaun estranjeiru hosi relijaun muslimanu ho inisial AS, HMS, HJ, AA, AL, SF, UI, MF, inklui WDS ne’ebé tama mai territória Timor-Leste ne’e mai hosi grupu Jamaah Tabligh atu halo investimentu iha rai-laran.

No, ema hirak ne’e ei hela iha Timor-Leste durante loron 25 no sei partisipa no komemora loron Idul Adha ne’ebe monu iha loron 28 fulan ida ne’e nia laran.

“Kona-ba prezensa sidadaun estranjeiru nain-8 ho inisiál AS, HMS, HJ, AA, AL, SF, UI, MF inklui WDS (hosi) grupu Jamaah Tabligh hakarak halo investementu iha timor tanba sira sempre dehan hamrok atu investe hodi loke kampo traballu iha timor.

“Grupu ida ne’e mai hosi Jamaah Tabligh no laos mai deit hosi Pakistan, maibe Indonezia, Malazia, no Oman. Sira sei halo vizita bá iha Buacau, Lospalos no Same ho objetivu atu fo informsaun kona-ba ajaran islam, intinya liafuan islam ne’e lian arabi lian bahasa dehan salam damai”, katak, Sagran.

Ho nune’e, lider muslimanu iha Timor-Leste ne’e konsidera ema ne’ebé lansa informasaun katak sidadaun estranjeiru ne’e ema terorista hanesan informasaun provokativu atu kria instablidade iha rai-laran.

“Hau hanoin buat ne’e hoax hosi ema ida rua ne’ebé la gosta ita timor oan. Ita hotu hatene katak iha Timor-Leste komunidade musulmanu ho numeru ida ki’ik maibe moris diak ho hakmatek la iha problema musulmanu timor ho katolik tanba ita iha relasaun di’ak tebes no ita hatudu ba mundu internasional katak nunka iha problema relijaun iha Timor-Leste”, nia, tenik.

Iha parte seluk, Vise-Ministru Interiór, António Armindo, rekuiñese katak parte Governu liu-hosii Ministeriu Interior simu duni karta pedidu hosi reprezentante muslimanu iha Timor-Leste kona-ba  sidadaun hirak ne’ebé atu tama mai rai-laran.

“Sira-nia pedidu iha 16 Maiu 2023 atu sidadaun sira ne’ebé mak horisehik tama iha Timor, ne’e hetan pedidu formál hosi Prezidente atu sira mai hala’o sira-nia misaun relijiaun nian iha Timor,” Antonio Armindo, klarifika.

Sidadaun estranjeriu ne’ebé mai hosi Jamaah Tabligh ne’e identifikadu laos mai deit hosi Pakistan, maibe Indonezia, Malazia, no Oman.

Antes ne’e espalla rumores iha mídia sosial sira hanesan Facebook no whatsapp katak  deskonfia sidadaun hirak ne’e nu’udar terorista. (Editór, Guido Santos).

Pin It

Follow us on Twitter

Sign up via our free email subscription service to receive notifications when new information is available.