24
Mon, Jun
0 New Articles

Kazu Lourba, PNTL Detein Ona Autor Konflitu Hamutuk Ema Na’in 14

Ema na’in 14 ne’ebé identifikadu nu’udar suspeitu ba kazu Lourba hetan kapturasaun hosi PNTL munisipiu Bobonaro no dadaun ne’e detein ona iha sela komandu PNTL munisípiu Covalima. Foto, Mídia PNTL.

Flash News

Covalima-SMI: Relasaun ho kazu konflitu entre Grupu Arte Marsial – GAM foin lalais ne’ebé konsege ema mate, kanek no komunidade sira nia uma lubuk ida mak hetan estraga, Duminggu foin lalais ne’e parte Komandu Polísia Nasional Timor-Leste – PNTL munisípiu Bobonaro, detein ona ema na’in 14 ne’ebé deskonfia nu’udar autor ba akontesementu refere.

Autór hamutuk ema na’in 14 ne’ebé hetan detein ne’e sei kontinua halo indetifikasaun hodi lori ba prosesu interogatóriu.

“Iha Lokraik Komandu PNTL Munisipiu Bobonaro no Departementu Investigasaun Kriminal Nasional transporta tan suspeitu na’in Sanulu-resin-ha'at (14) ne'ebé komete ho kazu hanesan (Lourba).

“Hodi lori mai detein iha Sela Komandu PNTL Munisipiu Covalima hodi Kontinua halo identifikasaun no sei lori ba Primeiru Interogatoriu molok oras 72”, dehan, Komunikadu ofisiál hosi PNTL, Segunda, (20/11).

Tuir identifikasaun hosi parte polisial nian katak autor ba kazu Lourba ne’ebé hetan ona kapturasaun hamutuk ema na’in 16 ne’ebé kompostu hosi ema na’in 12 hosi munisípiu Bobonaro, Dili no Covalima.

“Totál Suspeitu hirak ne'ebé komete iha kazu refere (Lourba) hamutuk nain Sanulu-resin-nen (16), Na’in Sanulu-resin-rua husi husi Munisipiu Bobonaro, Nain rua husi Kapital Díli, no nain Rua seluk mak husi Munisipiu Covalima”, tuir komunikadu ne’e.

Iha parte seluk, Komandu PNTL munisípiu Covalima mos hala’o kapturasaun ba suspeitu na’in rua ne’ebé indentifikadu komete kazu konflitu iha Lourba.

“Ekipa UEP/BMOP Postu destakadu Suai, ezekuta mandadu detensaun husi tribunal primeira instansia Suai ho NUC: 0316/23 PNSIC, hodi detein suspeitu nain rua ne'ebe Komete iha Kazu Lourba nian.

“Iha Ezekusaun ne'e, Komandu PNTL munisipiu Covalima konsege detein suspeitu na’in ida ho naran inisial, R.G, enkuantu suspeitu ida seluk ho naran Inisial A.A koopera ho polísia hodi mai entrega an iha komandu PNTL iha munisipiu Covalima”, katak komunikadu PNTL. (Editór, Guido Soares)

Pin It

Follow us on Twitter

Sign up via our free email subscription service to receive notifications when new information is available.