Dili – SMI, Durante tinan 2018 instituisaun Falintil-Forsa Defeza Timor-Leste – F-FDTL hametin ona kooperasaun ho nasaun 10 hanesan Australia, Portugl, Estadu Unidus Amerika, Xina no nasaun sira seluk iha mundu hodi kapasita membru militár sira iha futuru.
“Tinan ida ne’e ita halo kopreasaun ho país sanulu resin hitu, ita nia objetivu husi kooperasaun nee mak atu tulun ita nia forsa armada iha areas oi-oin tantu iha rekursus umanu nian, no iha treinu iha troka de informasaun hanesan iha nivél país sira seluk”, dehan Komadante Jerál F-FDTL, Maijor Jenerál Lere Anan Timor liu husi diskursu iha loron transformasaun Falintil ba FDTL ba dala 17, Sesta, (02/02), iha Kuartel Jerál Fatuhada.
Jenerál fitun rua ne’e esplika katak polítika formasaun liu husi kooperasaun militár ho nasaun hirak ne’e foka ba formasaun ofisiál sira no sarjentu iha area militár nian hodi bele kontribui ba dezenvolvimentu instituisaun F-FDTL iha futuru. Formasaun hirak ne’e 80% involve husi membru militár jerasaun foun sira ne’ebé sai nu’udar kontinuador hodi serbi povu no nasaun liu husi instituisun F-FDTL.
Iha biban hanesan, Prezidente Repúnlika Francisco Guterres Lú Olo husu instituisaun membru instituisaun F-FDTL atu hatudu dedikasaun, disiplina no obdese ba ordem kommandu hodi serbi nasaun no povu.
Liu husi biban ne’e, xefi estadu sauda no kongratula ba komandu no membru instituisaun F-FDTL ne’ebé ho fuan no laran, la sura kolen no kontinua kumpri misaun sagradu hodi serbisu defende soberani povu no nasaun. (Editor, Mateus Barros).