Dili-SMI, Primeiru Ministru – PM Mari Bin Amude Alkateri fiar katak Eleisaun Antisipada sei la’o ho transparansia, justu ba povu tomak maske ho rekursu finaseiru no rekursu tekniku ne’ebé limitadu.
“Eleisaun ida ne’e sei sai eleisaun ida ke transparente, sei sai eleisaun ida ke justu, ba povu tomak maske ho rekursu ne’ebé limitadu. PM garante sei buka solusaun hotu hodi garante transparansia ba eleisaun ida ne’e”, dehan Alkatiri ba jornalista sira iha Palasiu Prezidensiál Aitarak-Laran, Kinta, (08/02).
PM Alkatiri mós garante katak sei asegura alokasaun orsamentu ba EA ne’ebé kuidadu ho responsabilidade moral.
“Lalika duvida tamba hau hatene uza osan diak liu, sira hanoin deit ba osan be sira uluk gasta narnaran ne’e, lalika duvida ho hau, hau hatene saida maka hau halo”, dehan Sekretáriu Jerál partidu Fretilin ne’e.
Antes ne’e, Prezidente Konsellu Dirantiva Nasionál – KDN partidu CNRT Deonisio Babo Soares duvida oituan kona-ba transparansia aloksaun orsamentu ba EA ne’e rasik.
Tanba ne’e nia husu ba mídia atu buka tuir hodi ne’e bele hatene lolos paraderu orsamentu ba EA ne’e mai husi ne’ebé no oinsa ninia alokasaun ne’e rasik.
“Ita tenki hare’e mos ho husi parte finansiamentu, iha tinan 2017 ita gasta por volta de seis (6) milhões ida hanesan ne’e deit, agora ita gasta dehan katak cinco (5) milhões se hanesan propõen iha mídia sira ne’e ita tenki hare’e didiak, ita hare’e to’ok osan sira ne’e mai husi ne’ebé para ita bele la’o” hatete Deonisio
Kona-ba kalendariu EA, PM Mari Alkatiri konkorda ho desizaun Prezidente Repúblika ne’e deside EA sei akontese iha loron 12 Maiu 2018. (Editor, Mateus Barros).
