Horta Soe Lia ba VI Governu, Milagre iha Jardim Kristu Rei?

“Milagre no Jardim Cristo Rei? Só pode ter sido. Tuir kontratu, Proyect Reabilitasaun hahu iha Agosto 2016, Atu Remata iha fulan Marsu 2017. Maibe proyect inaugura kedas iha Agosto 2016”, Ramos Horta hakerek iha ninia pajina Facebook ofisiál, Kuarta, (07/02). https://www.facebook.com/officialramoshorta/

Papan projetu Jardim Kristu Rei. Foto, FB Ramos Horta

Ramos Horta fó parabens ba VI Governu Konstitusional tanba bele halo milggre boot ba projetu jardim Kristu Rei, no konsidera nu’udar ezemplu diak ba Governante seluk atu banati tuir.

“Parabéns Ba VI Gov Constitucional ke halo milagre bot iha Jardim Kristo Rei. Exemplu ida ke Ministrus VII Governo Konstitucional atu tuir karik: proyect né hahu iha fulan Agostu 2016 e Governu inaugura kedas iha fulan Agosto 2016’, Horta hakerek iha ninia pajina facebook.

Plaka inagurasaun Jardim Kristu Rei. Foto, FB Ramos Horta

Maske nune’e, Premiadu Nobel da Paz ne’e kestiona katak dadaun ne’e tama ona tinan 2018 maibe projetu rehabilitasaun Jardim Kristu Rei ladauk remata.

“Maibe iha problema oan ida: Ita tama ona iha 2018 mai be proyect rehabilitasaun Jardin Kristu Rei ke inaugura ona iha Agosto 2016 seidauk prontu”, dehan nia iha facebook.

Nia hakerek tan katak, nia rasik koko atu haree prosesu implementasaun projetu husi ministériu relevante maibe susar tebes, tanba to’o ohin loron projetu refere seidauk remata no at los, maibe inagura ona iha tinan kotuk.

Uma (Restorante) iha Jardim Kristu Rei ne’ebé seidauk remata konstrusaun. Foto, FB Ramos Horta

“Hau fera ulun mai be lá iha kbit atu komprende misteriu ida né. Milagre? Jardim Kristu Rei no praia areia branca kondisau at los, halo Ita fuan kanek”, tenik Horta.

Projetu ne’e kaer husi kompañia Mendith Construction ho montante orsamentu hamutuk $. 90, 122.03 USD. (Editor, Lariwa).