Dili-SMI, Maske foin ejizte hodi kompete ho kompaña telekomunikasaun Timor Telkom no Telemor maibe kompaña Telkomsel konsege hetan ona kliente maizumenus hamutuk rihun atus hat (400,000) resin ne’ebé durante asesu rede sosiál Tekomsel nian.
“Ate agora rede sosias telkomsel, avansadu liu no mós instala ona, ninía rede to’o munisipiu ona, hanesan data ne’ebé kliente sira asesu ba rede sosiás telkomsel hamutuk rihun atus ha’at resin ona (400,000), asesu (update) no iha ona data telkomsel nían”, dehan Xefi Ezekutivu Telkomsel, Yogi R. Bahar ba jornalista sira hafoin hasoru malu ho Prezidente Repúblika Francisco Guterres, Segunda, (19/02).
Yogi klarifika razaun hasoru malu ho Xefi Estadu atu hametin tan investimentu industria rede sosiál iha Timor-Leste hodi bele fasilita komunidade nomós kontribui ba dezenvolvimentu telekomunikasaun iha rai-laran.
Xefi Ezekuitvu ne’e argumenta katak atu hametin kualidade fornesemtu rede ba públiku maka dadaun ne’e halo planu atu uza rede aparellu (satelit) husi Atambua – Indonesia mai Timor-Leste evita preturbasaun rede komunikasaun nian.
“Bainhira iha tempu udan, kualidade ladun diak, tamba ne’e ita hakarak investimentu ne’e husi Atambua mai Dili no husi Atambua ba Oe-Cusse, para internet nia kualidade sai diak liu”, tenik nia.
Nia mos aumenta tan katak sei hamenus presu internet hodi bele fó biban ba povu Timor-Leste hodi asesu internet liu husi rede sosiál Telkomsel nian.
Nia hatutan katak Telkomsel nia investimentu durante ne’e la’os deit atu buka lukru maibe fó mos kapasitasaun rekursu umanu, bolsu estudu nomós fó oportunidade ba timoroan hodi okupa pozisaun importante hanesan kargu manajer iha kompaña Telkomsel nian.
“Kompaña Telkomsel la’os buka deit lukru (vantagen), fó kapasitasaun (building capacity), 85 % mesak ema timoroan dei’t maka serbisu iha kompaña telkomsel. Iha ona ema na’in hira tuur iha posizaun estratéjia nian, no ema na’in hitu (7) maka sai ona manajer telkomsel”, katak Yogi.
Tuir observsaun SMI durante ne’e hatudu katak mosu pro-kontra husi kliente sira kona-ba rede internet ne’ebé telkomsel oferese ba públiku. (Editor, Mateus Barros).
