Dili-SMI, Comissão Nacional de Eleições (CNE) simu ona pakote koligasaun husi partidu polítiku haat (4) ne’ebé sei kompete iha eleisaun antisipada.
Partidu hirak ne’e mak hanesan Partidu Unidade Desenvolvimentu Demokrátiku (PUDD), Partidu União Demokrátiku Timorense (UDT), Partidu Desenvolvimento Nasional (PDN), no Partidu Frente Mudansa (FM).
Prezidente CNE Alcino Araújo Barris hateten, partidu polítiku haat ne’e sei halo koligasaun, no hetan ona apresiasaun no halo ona verifikasaun atu hakat ba eleisaun antisipada.
“Maibé sei iha buat balun ba partidu hat ne’e tenki konklui tamba haree ba iha norma sira ne’ebé rigor, liu-liu hakerek iha Lei numeru 2/2016 kona-ba partidos politikos ne’ebé iha artigu 12 konsta de nominasaun ne’ebé Partidos Politikos sira iha ninia sigla ou atributu atu uza iha eleisaun antisipada”, Dehan Alcino Araujo Barris liu husi Konferensia Imprensa Imprensa iha Salaun CNE Laline-Larugutu, Segunda, (26/02) foin lalais neé.
Entertantu CNE mós husu ba lideransa partidu polítiku sira atu labele uza naran hosi Relijiosa ka imajen tuir Lei númeru 2/2016 artigu 8 kompetensia ida ne’ebé atu servisu tuir prinsipíu legál sira ne’ebé mak iha no kompetensia sira seluk hodi halo verifikasaun no apresisaun. (Editor, Konusere).
