Dili-SMI, Diretóra Departementu Komunikasaun Sosiál Universidade Nasionál Timor Lorosa’e – DKS-UNTL agrades tebes ba United Nations Educational, Scientific and Cultural Organization- UNESCO no Conselho de Imprensa – CI halo koperasaun hodi hasa’e kualidade estudante iha area audiu-vizual.
“Ha’u agradese tebes ba oportunidade ida ne’e, los duni ami apresia tebes ba sira nia esforsu entaun ami halo networking sei nafatin ho United Nations Educational, Cientifick and Cultural Organization (UNESCO) no Conselho Imprensa atu hasa’e kualidade estudantes iha area media, liu-liu iha mídia audiu visual”, dehan Diretóra DKS-UNTL, Dominika Dwikori Sitaresmi ba Jornalista sira iha Kampus UNTL, Kakoli, Sabdu (03/03).
Diretóra ne’e hatutan katak maske hetan difikuldade oi-oin hanesan menus aula ba apriendizajen sei kontinua esforsu hodi kapasita diak liu tan estudante komunikasaun sosiál UNTL liu koperasaun sira ho UNESCO nomós CI.
Nia mós preoukupa ho fasilidade ne’ebé menus sai obstaklu boot ba estudante sira atu halo prátika jornalizmu nian, maibe nia fiar katak estrutura UNTL sei kontinua halo esforsu hodi hadi’a kondisaun hirak ne’e. (Editor, Mateus Barros).
