Loron Feto Internasionál, Fudasaun Alola Prontu Promove Feto TL

Tuir Diretóra Fundasaun Alola Alzira Reis katak objetivu prinsipál husi selebrasaun loron mundiál feto nian atu promove partisipasaun feto sira iha organizasaun oi-oin hodi fahe informasaun ba malu atu nune’e bele motiva feto maluk sira.

“Objetivu prinsipál husi eventu ne’e mak atu selebra loron internasional feto liu husi diskusaun aberta hamutuk no partisipativu ho lideransa feto sira, liu-liu husi feto presidente iha partidu politiku sira nune’e bele fahe esperensia ne’ebé iha atu bele motiva feto maluk sira seluk”, dehan Alzira iha nia serbisu fatin, Maskarinhas, (Kinta, 08/03).

Tuir nia observasaun katak prespetiva jeneru iha Timor-Leste la’o diak tebes tanba maizumenus 30% feto nu’udar reprezentante povu iha Parlamentu Nasionál. Nia mós esplika katak durante ne’e Fundasaun Alola mós halo kapasitasaun ba feto poténsial sira iha area rural dezde 2008 to’o 2012 kona-ba lideransa nian.

“Ami fo kapasitasaun ba feto ba tempu naruk ne’e, husi kapasitasaun ba feto potensial sira husi suku desde 2008 I mos iha eleisaun 2012 nian. Ami mós fo kapasitasaun ba iha feto kandidatura sira husi parlamentu iha ne’ebé iha paralamentu ne’e atu bele hasa’e sira nia

Iha biban hanesan Prezidente Grupu das Mulheres Parlamentar Timor-Leste – GMPTL,  Brigida Antonia Correia hateten kapasitasaun ba feto maluk iha futuru importante tebes tanba konstituisaun garante kona-ba igualdade jeneru iha Timor-Leste.

Tanba, nia hatutan istoria pasadu kona-ba luta libertasaun nasional feto mó hola papél importante iha prosesu kontribuisaun ba ukun rasik-an.

“Konstituisaun fó oportunidade boot iha artigu ida ne’ebé mak iha ne’eba hakerek kona-ba igualdade jeneru katak husi konstituisaun bele fo oportunidade ba feto nomos haree ba pasadu katak feto luta ba libertasaun nasionál hahu husi istoria depois  ukun an”, dehan Brigida. (Editor, Mateus Barros).