Dili-SMI, Biblioteka nu’udar komponente importante hodi garante kualidade edukasaun iha Timor-Leste maibe realidade hatudu katak hahu husi eskola ensinu báziku to’o universidade sei menus fasilidade hanesan biblioteka.
Evidensia forte ida ne’ebé ne’ebé SMI identifika mak hanesan Eskola Ensinu Báziku 30 Siklu Nicolau Lobato laiha fasilidade biblieoteka ne’ebé favoravel hodi fasilita estudante sira halo apriendejazen ho diak.
“Fatin ou aulas ba biblioteka maka ladun posivel ba estudante sira atu tuur hodi estuda, tamba biblioteka kuandu iha ona konserteja aranja fatin ne’ebé maka bele favorese ba estudante sira atu bele tur hodi estuda no hakarak le’e”, dehan Profesora Eskola Eskola Ensinu Báziku 30 Siklu Nicolau Lobato, Irene Soares, Sesta, (02/03) foin lalais ne’e iha nia serbisu fatin, Komoro.
Irene haktuir katak kada tinan Ministériu Edukasaun sempre ajuda livru ba eskola refere ho totál ho kuantidade ne’ebé diferente, hanesan tinan kotuk ME ajuda livru hamutuk 100 resin no tinan ida ne’e ajuda livru hamutuk 60. Maibe kondisaun biblioteka ne’ebé la favoravel hodi rai livru hirak ne’e. Livru hirak ne’e maioria kona-ba siensia geográfia no istoria deit.
“Kada tinan Ministériu Edukasaun sempre fó apoiu livru ba eskola ho total atus ida (100) resin, Maibe tinan ne’e apoiu ne’e menus ona husi 100.Kada tinan husi ME fo livru siensia Geográfia no istoria deit. Husu atu Ministériu kria fasilidade ne’ebé favoravel hodi estudante sira bele asesu ho diak”, dehan profesora ne’e.
Hatan ba preokupasaun ne’e Diretór Dirasaun Nasionál Media Edukativu Departementu Biblioteka – MNMEDB, Mario Antonio da Costa Ximenes esplika parte ministériu halo ona terseiru kongresu nasionál hodi propoin rekomendasaun lubuk ida ne’ebé inklui mós kestaun bibleoteka.
“Ministeriu Edukasaun halo ona terseiru kongresu nasionál propoin ona rekomendasaun lubuk Ida inklui mós espasu ba biblioteka. Ne’e signifika katak edifisiu Biblioteka tinan oin mai ou Futuru oin mai presiza ona propriadu ba espasu bibleoteka”, dehan Mario Antonio wainhira SMI konfirma nia serbisu fatin ME, Kinta, (08/03).
Diretór ne’e konfirma katak dirasaun bibleoteka iha reponsabilidade hodi trasa polítika atu kontinua establese biblioteka iha eskola sira iha teritoriu laran. To’o ohin loron ME establese ona biblioteka hamutuk 45 ne’ebé kobre munisipiu 12 inklui kapitál Dili.
“Tuir Metas anual ne’ebé departamentu ne’e maka primeiru ita estabelese ona Biblioteka 54 Iha Munisipiu 12 inklui mós munisipiu Dili’, tenik nia. (Editor, Lariwa).
