Dili–SMI, Prokurador Jerál Repúblika – PJR José da Costa Ximenes hateten dadaun ne’e nia parte prepara hela relatóriu anuál serbisu hodi aprezenta ba Parlamentu Nasionál - PN iha tempu badak nia laran.
PJR esplika katak nia parte mós informa on aba Prezidente Repúblika kona-ba haruka karta ba PN atu presta serbisu anuál ba PN ne’ebé hetan ona resposta pozitivu maibe depoisa eleisaun antisipada.
“Ita boot sira hatene fó ona resposta mai, maibé talves depois de eleisaun maka prokuradoria bele halo aprezentasaun informasaun anuál ba iha Parlamentu Nasionál tamba ida ne’e hanesan dever ida ita halo”, dehan PJR José da Costa ba jornalista sira iha Palasiu Prezidensial Aitarak-Laran, Tersa, (03/04).
Nune’e mós PJR informa ba PR kona-ba konvite husi Prekurador Rejiaun Espesiál Macau ne’ebé iha planu atu vizita Prekurador Jerál Timor-Leste hodi hametin serbisu iha area judisiáriu nian.
“Informa ba PR Lú Olo kona-ba konvite ne’ebé mak Prokurador Rejiaun Especial Macau atu halo vizita ida hodi hametin kooperasaun entre Timor-Leste ho Macau”, dehan nian.
Nia mós dehan katak durante enkontru ho PR ne’e fó informasaun kona-ba progresu no dezafiu serbisu perkurador no ministériu públiku iha teritoriu laran tomak. (Editor, Mateus Barros).
