Dili-SMI, Halibur Juventude Timor-Leste (HJTL) hamutuk ho grupu ida ne’ebé ninia ezistensia atu sai matadalan ba juventude sira hodi kuda paz no estabilidade iha period Eleisaun Antisipada - EA hodi kontribui ba prosesu konstrusaun estadu no nasaun.
Porta Voz HJTL Tomasia Morais hateten HJTL nu’udar organizasaun independente ne’ebe hamrik ho imparsiál no laiha afiliasaun ba partidu polítiku ka grupu ruma.
“Grupu HJTL hamri’ik ho imparsiál la sadere ba kualker partidu politika ka grupu ida nune’e mós iha ninia vizaun, misaun no objetivu tuir estatuta haruka, Timor-leste hanesan nasaun soberania ne’ebe opta sistema demokrasia no uza sistema multi-partidarizmu tuir konstituisaun RDTL haruka. Dehan Tomasia, iha Jardim 5 de Maiu-Kolmera, Sesta, (06/04) foin lalais ne’e.
Relasiona ho eleisaun antisipada, responsavel masimu organizasaun HJTL ne’e husu ba partidu polítiku nomós joventude sira atu matein paz no estabilidade hodi kontribui ba prosesu demokrátizasaun iha Timor-Leste.
“Husu ba ParPol sira katak eleisaun antisipada ne’ebé monu iha loron 12 fulan maiu tinan 2018, organizasaun HJTL husu ba partidu politiku, povu TL nomos husu ba juventude tomak katak nafatin kria paz no estabilidade iha ambiente kampaña nia laran”, dehan Tomasia.
Nune’e mós nia apela direta ba lideransa partidu polítiku, militante no simpatizante partidu sira atu respeitu lider nasionál no labele hafahe lider sira. (Editor, Mateus Barros).
