Dili-SMI, Sekretáriu Estadu Joventude no Traballu – SEJT, Nívio Magalhães husu ba traballador no empregador sira atu kumpri lei traballu hodi kontinu mantein komunikasaun ne’ebé diak tuir diretu no dever ne’ebé define tiha ona iha lei traballador nian.
“Husu ba empregador no trabalhador sira atu kontinua iha komunikasaun diak, respeita idak-idak nia dever no resposabilidade hanesan lei hatuur tiha ona”, Dehan Nivio Magalhães hafoin seminar kona-ba dezenvolvimentu sustentavel iha Mahon Tranining Center – MTC, Bairo-pite, Sesta, (27/04).
Nivio hatutan Governu sei esforsu hodi fasilita komunikasaun diak entre empregador no traballador sira atu mantein komunikasaun diak durante iha serbisu fatin hodi nune’e labele hamosu problema ne’ebé relasaun ho serbisu nian.
“Hanesan governante ida responsabiliza area ida ne’e husu nafatin ba traballador no empregador sira atu bele respeita loron ida ne’e, loron traballu nian. Sé iha diferensia ruma entre traballador no empregador tuur hamutuk rezolve problema ne’ebé iha”, dehan nian.
Iha biban ne’e, Nivio mós informa katak atu selebra loron 01 Maiu ne’ebé nu’udar loron traballador internasionál, Governu sei organiza semináriu ida hodi nune’e bele fó hanoin ba traballador no empregador atu kontinua respeita malu iha fatin serbisu tuir lei traballu nian.
Tuir SEJT katak respeita malu no matein komunikasaun ne’ebé diak bele fasilita traballdor no empregador sira hodi kontribui ba prosesu dezenvolvimentu iha Timor-Leste. (Editor, Mateus Barros).
