PDHJ Kontinua Monitoriza Asuntu Diretus Umanus iha Kampaña Eleitorál

“Bázea ba artigu 27 konstituisaun da Repúblika nomos estatutu Provedoria dos Direitus Humanus Lei nú 7/2004 artigu 24 kona-ba fiskalizasaun, entaun liga ba kampaña eleisaun antisipada ida ne’e,  provedoria hola kna’ar nafatin hodi monitoriza situasaun direitus humanus no boa governasun iha prosesu tomak iha kampaña eleisaun antisipada tinan ida ne’e”, dehan Adjuntu PDHJ,  Horacio de Almeida, iha nia kna’ar fatin, Kaikoli (02/05).

Adjuntu PDHJ esplika bázea ba rezultadu monitorizasaun hatudu katak durante kampaña provédoria nafatin nota mosu krime eleitorál no violasaun direitu humanu no boa governasaun. Identifika involvimentu funsionáriu públiku iha atividade kampaña oras servisu ninian, akontese iha munisipiu balun durante kampaña semana hirak liu ba.

Horacio tan esplika katak PDHJ nia monitorizasaun mós identifika membru partidu polítika balun kontinu uza patrimonia estadu hanesan kareta no motor hodi halo kampaña eleitorál hanesan iha Maubisse, Ainaro no Atauro.  Nune’e mós involve labarik sira hodi uza atributu kampaña

“PDHJ nota nafatin katak uja patrimonia estadu kareta ho motorizada iha aktividade kampaña iha munisipiu Maubisee, Ainaro ho Atauro, parpol balun iha atividade kampaña involve labarik sira hodi uza atributu partidu ninian ida ne’e kontinua ás teb-tebes”, dehan Horacio.

Nune’e mós iha PDHJ nia monitorizasaun identifika partidu politiku sira organiza projetu $. 3.00 iha RAEOA durante periodu kampaña ne’ebé hetan kanselamentu husi autoridade local.

“Iha projeitu ho osan $ 3.00 dollares ne’ebe mak akontese iha RAEOA katak kansela husi chefe aldeia, PDHJ notifika katak tamba iha motivu politka ne’ebe mak organiza husi koordenador husi parpol balun iha suku refere”, dehan nia.

Nia hatutan atividade kampaña ParPol lahetan seguransa husi Polisia Nasional Timor Leste – PNTL hanesan akontese iha Ainaro, Bobonaro nomós Manatuto. (Editor, Mateus Barros).