Dili-SMI, Funsionariu no voluntariu Cruz Vermelha de Timor Leste – CV-TL ohin loron 8 fulan Maiu selebra mundiál ba dala Atus ida sia nolu (190) ne’ebé nu’udar loron moris fundador movimentu Henry Dunant iha Timor-Leste.
Sekretariu Jerál CV-TL Januario Ximenes esplika katak mundu tomak ohin loron halo selebrasaun loron cruz vermelha ne’ebé nu’udar loron moris Henry Dunant ne’ebé didika nian hodi fó apoiu umanitariu ba komunidade wainhira mosu dezastre naturais ou impaktu konflitu no violénsia sira iha tempu refere.
“Saida de’it mak imi hasoru hanesan dezastre Naturais impaktu konflitu ou Violensia, ami prontu apoiu imi no loron mundial Cruz Vermelha no Crecent Vermelho komemora loron 08 fulan maiu hanesan loron moris Husi Fundador movimentu Henry Dunant”, dehan Januario Ximenes iha salaun CV-TL, Bairo Farmoza, Tersa, (08/05).
Januario esplika liu tan katak depois Timor-Leste hetan independensia no harii CV-TL, kada tinan maizumenus ema voluntariu hamutuk rihun ida (1000) ne’ebé mai ona fó sira nia matenek ba CV-TL ho variasaun asistensia ba komunidade.
Sekretariu Jerál ne’e mós akresenta katak CV-TL sempre preparadu hodi responde ba dezastre naturais no krize seluk ne’ebé karik povu Timor-Leste infrenta. (Editor, Mateus Barros).
