Dili-SMI, Instituisaun Polisia Nasional Timor Leste – PNTL, Komisariu Julio da Costa Hornai, PNTL sei asegura seremonia toma posse membru Parlamentu nasional ba V lejizlatura ne’ebé sei realiza iha loron 13 fulan Juñu, semana oin.
“Kona-ba seguransa labele preokupa, tomada de pose atividade estadu no governu ninian, labele preokupa, ami prontu para asegura tamba nee misaun ami nian, asegura kria estabilidade no paz ba povu doben timor leste nomos ba ita nia nai-ulun sira”, dehan Komisariu Hornay, iha Palasiu Prezidensiál Aitarak-Laran, Kinta, (07/06).
Komisariu ne’e fó hanoin ba públiku tomak katak asuntu seguransa labele garantia deit ba instituisaun polísial no militár maibe povu nia kontribuisaun hodi garante paz no estabilidade iha rai-laran.
“Husu ba povu labele garantia deit ba polísia nasionál Timor-Leste no forasa armadas mak bele asegura estabilidade, husu povu atu kontribui ba estabilidade”, dehan nia.
Komandante ne’e mós apela ba joventude timor-oan hotu atu hases an husi konflitu hodi bele kontribui ba paz no estabilidade iha nasaun foun ida ne’e.
Tanba joven nu’udar pilar importante ba dezenvolvimentu nasional no konstrusaun estadu iha Timor-Leste. (Editor, Mateus Barros).
