Dili-SMI, União Europeia – UE liu husi programa PFMO hodi kontinua fó apoiu fundu ba Governu Timor-Leste liu husi Instituto Camões – IP, Portugál hodi kontribui ba dezenvolvimentu sustentavél iha Timor-Leste.
Adjuntu Fundu Europeia ba Dezenvolvimentu, Nelson Santos esplika katak apoiu fundu UE liu husi Instituto Camões atu bele impelementa iha instituisaun estadu hirak iha Timor-Leste hanesan Parlamentu Nasional, Prokurador Jerál Repúblika, PSIK, KAK no instituisaun relvante seluk.
“Fundus ne’ebé União Europeia fó para Instituto de Camoes bele implementa programa sira ba iha ita nia Parlamentu Nasional, ba iha ita nia Polisia Sientifika Investigasaun Kriminal, ba KAK, ba Prokuradoria Jerál da Repúblika, ho tan instituisaun balun iha Timor-Leste”, dehan Nelson, iha Hotel Timor, Tersa, (12/06).
Nelson hatutan, PFMO nia objetivu mak atu kontribui ba dezenvolvimentu sustentavel iha Timor-Leste liu husi reforsa planeamentu, jestaun, monitorizasaun, auditoria no responsabilizasaun no Supervizaun ba Finansas publika.
Ho nune’e, bele asegura prestasaun ba servisu públiku sai efikasia, integradu, transparante , responsavél no orienta duni ba sidadaun sira nu’udar benefisiariu.
Nelson mós esplika katak UE nia apoiu fundu ba Governu TL ne’e ba tinan lima (5) ne’ebé foka ba perioridade rua mak boa governasaun no dezenvolvimentu rural ne’ebé jere husi Instituto de Camões.
“Timor-Leste nia parseira ho União Europeia iha fundu tinan 5, tinan 5 União Europeia fó osan ba iha Timor-Leste para atu implementa programa ne’ebé governu tau iha prioridade, dadauk ne’e programas rua, boa governasaun ho dezenvolvimentu rural, ida ohin ne’e sobre boa governasaun ne’ebe institute de Camões mak jere osan ne’e”, katak nia
Nelson mós konfirma katak fundu ne’ebé Instituto Camões atu jere hodi implementa programa sira iha instituisun estadu hamutuk $.14 Milloens.
“Montante osan ne’ebe que União Europeia fó para Instituto Camões implementa programa sira ne’e 14 milhoes de dollar ba leten, osan sira ne’e aumenta tan ho koperasaun portuguesa sira nian mak sai mais 15 milhoens de dollar, tinan 5 husi agora to’o 2023”, tenik nia. (Editor, Mateus Barros).
