26
Thu, Nov
2 New Articles

TR Sei Fó Formasaun Ba Implementador Lei Kombate Korupsaun

Juiz no ofisial judisiariu nian. Foto, Internete.

Flash News

Díli-SMI: Prezidente Tribunál Rekursu - PTR, Deolindo dos Santos, informa, parte tribunal sei realiza formasaun ba juiz auditor no ofisial justisa sira nune’e bele asegura rezultadu implementasaun lei medida prevensaun no kombate korupsaun iha futuru.

“Sei halo formasaun ba juiz, auditor, ofisiál justisa atu kompriende di’ak liu Lei Medidas Prevensaun no Kombate Korrupsaun. Formasaun sei hala’o iha 12 Febreiru antes Lei Medidas Prevensaun no Kombate Korrupsaun tama iha vigor”, dehan, Deolindo dos Santos, hafoin hasoru malu ho Prezidente Repúblika, Francisco Guterres “Lú Ólo, iha Palásiu Prezidensial Aitarak-Laran, Tersa, (20/10).

Deolindo, klarifika, planu formasaun refere atu introduz ka fó kuiñesementu ba ofisiál justisa sira hodi nune’e bele iha pespetiva hanesan kona-ba lei refere.

Durante enkontru, Deolindo, relata mós atividade tribunal sira iha teritóriu laran inklui funsionamentu Tribunal Movel iha munisípiu sira.

“Tribunais (sira) hahú funsiona normal hafoin ferias judisiál. Funsionamentu normal Tribunal ninian fasilita redús kazu pendente sira. Atu hakbesik justisa ba Povu, Tribunal movel tama sai munisípiu sira atu tesi-lia”, dehan, Deolindo.

PTR mós relata kona-ba pedidu auditoria hosi Governu ba instituisaun Estadu sira ne’ebé parte Camara de Contas sei públika sai rezultadu wainhira aprova ona iha plenária.

Antes ne’e, Prezidente Repúblika, Francisco Guterres “Lú Ólo” hateten, prevensaun no kombate korupsaun la’os de’it liu-hosi aprovasaun lei no montajen sistema maibe importante tebes mak funsionamentu instituisaun ho efitivamente, transparénte no prinsipiu sira seluk.

“Prevensaun no kombate kontra korrupsaun la’ós de’it liuhusi aprovasaun lejislasaun no montajen sistema ba institusoins ne’ebé nu’udar núkleu sentral. Importante tebes prevensaun no kombate korrupsaun atu insituisoin funsiona efetivamente, tuir prinsípiu legalidade, izensaun, transparénsia, efisiénsia no efikásia”, katak, atual Prezidente Repúblika ne’e. (Editór, Caleri Alevs).

Pin It

Follow us on Twitter

Sign up via our free email subscription service to receive notifications when new information is available.