26
Thu, Nov
2 New Articles

Finalista IOB Hamutuk 356 Halo Graduasaun

Kampus IOB iha Pantai-Kelapa. Foto, Internete.

Flash News

Díli-SMI: Estudante finalista hosi Institute Of Business – IOB hamutuk ema na’in 356 ne’ebé mai hosi fakuldade rua hanesan Ekonómia Negósiu ho Informasaun no Komunikasaun Teknolójia halo graduasaun lisensiatura iha fulan Novembru durante loron rua (ohin no aban) iha tinan ida-ne'e.

“Estudante finalista hirak ne'e mai hosi fakuldade rua maka hanesan ekonómia Negósiu, ho fakuldade ICT (Information and Communication Technology). Iha loron 19 (ohin) iha graduasaun ba fakuldade Ekonómia Negósiu, nomós iha loron 20 (aban) sei kontinua hala’o graduasaun ba Fakuldade ICT”, dehan, Vise Reitor ba Asuntu Akademiku, António Soares Martins, ba SMI foin lalais ne’e iha kampus IOB Fomentu-Díli.

Hosi finalista sira ne’ebé sei tuir gradusaun durante loron ohin no aban hamutuk 356 ne’e kompostu hosi fakuldade ekonómia ema na’in 101 no ICT hamutuk 198.

António, esplika, dezde establesementu IOB ho de’it fakuldade importante 3 mak hanesan Ekonómia Negósiu, ICT, Hotelaria Turizmu ne’ebé fó ona gradusaun ba timoroan lubuk ida ho kapasidade ne’ebé di’ak.

Razaun establese fakuldade 3 ne’e atu eduka timoroan sai emprendedor ne’ebé oinsa bele kapasita sira atu buka orsan rasik ba ita nia an rasik.

Prezidente Komisaun Organizadora, Cidalia de Fátima Soares, esplika, prosesu graduasaun la’o tuir prosedementu normal ne’ebé aplika hosi  Ministériu Edukasaun nian.

“Tinan tinan IOB hala’o graduasaun ho nia prosesu ida ne'ebé bai-bain no laiha mudansa ida maka’as”,  Cidalia.

Durante ne’e IOB halo ona graduasaun ba finalista sira hamutuk ema na’in rihun tolu (3000) hodi rezultadu gradusaun hamutuk sanolu resin tolu (13) durante periodu 2009 to’o 2020. (Editór, Caleri Alves)

Pin It

Follow us on Twitter

Sign up via our free email subscription service to receive notifications when new information is available.