18
Tue, May
3 New Articles

OMS Apoiu Ekipamentu Protesaun COVID-19 Ba TL

Médiku uza hela Ekipamentu Protesaun Pesoál – EPP hodi halo atendementu ba pasiente COVID-19 nian. Foto, Internete.

Flash News

Díli-SMI: Organizasaun Saúde Mundial – OMS iha Timor-Leste fó apoiu tan Ekipamentu Protesaun Pesoál – PPE hamutuk 50 ba Ministériu Saúde atu fasilita médiku liña frente sira hodi uza ba atu atende ba pasiente sira COVID-19 nian.

“(Ita) simu apoiu Ekipamentu Protesaun Pesoál (EPP) hamutuk 50 items hosi Reprezentante Organizasaun Mundiál Saúde iha Timor-Leste Dr. Arvind Mathur hodi responde ba ajudu emerjénsia nomós COVID-19 nian”, dehan, Ministra Saúde, Odete Maria Freitas Belo, iha Sala VIP Aeroportu Intenasionál, Nicolau Lobato, Comoro, Díli, Segunda, (26/04).

Ekipamentu saúde sira ne’ebé apoiu hosi parte organizasaun saúde mundial ne’e atu bele fasilita pesoál saúde hodi uza iha tempu udan wainhira hala’o atendementu ba pasiente sira.

Tanba, wainhira mosu inundasaun iha loron 04 fulan Abril parte MS rasik mak husu ba parte OMS atu bele apoiu fasilidade no ekipamentu sira hodi uza halo atendementu ba pasiente COVID-19 nian.

“Ida-ne’e material ekipamentu ne’ebé mak apoiu husi OMS, apoiu ida-ne’e ita hetan hosi iha tempu ne’ebé mak udan tau inundasaun iha ita hanesan serve bá atende ita-nia pasiente sira, iha tempu hanesan ita-mós haree saidá mak ita laiha, ekipamentu materiais saidá mak ita falta.

Entaun iha tempu ne’ebá ami koko atu ajuda ita-nia ema sira-ne’ebé mak hetan inundasaun husi parte saúde nian aumesmu tempu ami mós ko’alia kedas ho parseiru sira katak ami falta ida-ne’e ho ida-ne’e no iha dia 4 Abril iha inundasaun, prontu ho hanoin ami sei halo lalais kedas aprovizionamentu liu-hosi sira-nia dalan no ohin ami hetan sasan ne’ebé mak agora daudaun ita simu”, dehan, Odete.

Serimónia entrega ekipamentu EPP ne’e partisipa hosi  Diretóra Jerál Prestasaun Saúde – DGPS, Odete da Silva Viegas, Diretúr Gabinete Planu Polítika Kooperasaun Saúde-DGPPCS, Narciso Fernandes, Diretúr Ezekutivu SAMES Sr. Santana Martins no seluk tan. (Editór, Caleri).

Pin It

Follow us on Twitter

Sign up via our free email subscription service to receive notifications when new information is available.