Díli-SMI: Polisia Nasional Timor-Leste – PNTL liu-hosi Serbisu Migrasaun - SM nian kaptura no sulan ona sidadaun estranjeiru na’in 2 hosi nasaun Xina tanba durante ne’e halo flasifikasaun dokumentu instituisaun estadu nian hodi hetan lukru.
SMI News
CI Lansa Prémiu Jornalizmu Max Sthal
Díli-SMI: Conselho de Imprensa – CI lansa tan ona prémiu jornalizmu foun ba públiku ho naran prémiu Max Stahl ba kategoria dokumentariu di’ak liu ba Diretu Umanu nian hodi fó onra ba ninia kontribuisaun luta ba libertasaun nasional.
Governu “Sibuk” Ho Artemarsial, FIFA Preokupa Estadiun Iha Rai-Laran
Díli-SMI: Tuir planu VIII Governu liu-hosi Sekertáriu Estadu Juventude no Disportu – SEJD rasik prepara hela orsan hamutuk millaun $2.6 hodi halo konstrusaun ba sede artemarsial hamutuk 10 iha tinan 2022, maibe parte Federation International Football Association – FIFA rasik preokupa ho kondisaun estadium iha rai-laran ne’ebé kontinua at.
Governu Duni Arte Moris, Hakiak GAM Harii Sede 10 Iha 2022
Díli-SMI: Polítika Governu atu promove arte iha rai-laran hamosu konfuzaun boot tanba deside hodi duni sai Grupu Arte Moris ne’ebé okupa eis fatin eis muzeu iha Comoro iha tinan 2021 ho razaun oi-oin maibe kria fali programa hodi halo konstrusaun sede 10 ba Grupu Arte Marsial – GAM iha 2022.
Ukun An Liu Tinan 20, Governu Kontinua Haruka Joven Serbisu Iha Rai-Liur
Dili-SMI: Depois Timor-Leste restaura ninia independensia iha 2002 no liu ona tinan 20 ukun an, maibe Governu liu-hosi Sekretária Estadu Formasaun Profísional no Empregu – SEFOPE kontinua mantein polítika haruka timoroan ba serbisu iha nasaun estrajeiru sira.
Iha loron Kuarta (11/05) SEFOPE liu-hosi Dirasaun Nasionál Empregu Exteriór – DNEE haruka tan joven hamutuk ualu nolu resin-hitu (87) ba nasaun Korea Súl.
“Ohin haruka tán traballadór Timor-oan na’in ualu-nulu-resin-hitu (87) ba servisu iha Korea Súl área peskas ema na’in lima-nulu (50), no área Fabrika ema na’in (37) kompostu husi feto na’in rua”, dehan, Diretúr DNEE, Filomeno Soares, iha Aero Portu Internasional Nicolau Lobato, Kuarta, (11/05).
Iha okaziaun ne’e, Diretúr DNEE, Filomeno Soares, apela ba timoroan sira ne’ebé aranka ba serbisu iha Korea Súl atu serbisu ho disiplina no badinas hodi asegura imajen no naran diak nasaun Timor-Leste nian.
Tanba, timoroan hirak ne’ebé hetan oportunidade serbisu iha nasaun Korea Súl nu’udar reprezentante nasaun no Estadu Timor-Leste nian.
“Apela ba Timor-oan na’in ualu-nulu-resin-hitu (87) ne’ebé ohin (Kuarta-11/05) aranka ba servisu iha Korea Súl, atu la’o hó disiplina tanbá imi reprezenta nasaun Repúblika Demokratika Timor-Leste”, nia dehan.
Nia hatutan, traballador timoroan presiza hatudu komportamentu di’ak no kumpri regra sira ka prosedementu serbisu nian hodi nune’e bele kontinua hetan oportunidade iha futuru oin mai.
“(Husu) ba a servisu iha Korea Súl atu hatudu komportamentu ne’ebé di’ak, labele halai ses hosi sistema”, nia katak.
Apela mós ba traballador sira atu serbisu badinas hodi bele hetan rendementu di’ak nune’e bele kontribui ba ekonómia rai-laran liu-liu ekonómia família nian.
“(Husu) kontaktu nafatin hó família, servisu rai osan hodi nune’e fila mai bele hadi’a ekonomía família no hasa’e kresimentu ekonomía nasaun, tanbá traballadór maka sai eroi ba prosesu dezembolvimentu nasaun”, nia tenik.
Durante ne’e Governu haruka ona timoroan rihun ba rihun hodi serbisu iha nasaun Korea Súl inklui nasaun viziñu Australia. (Editór, Guido Santos).
GAM 9 Deklara Hametin Paz Iha Munisípiu Manufahi
Manufahi-SMI: Hodi kontribui paz ba sosiadade, Grupu Arte Marsial – GAM 9 iha munisípiu Manufahi halo komprimisiu ba públiku hodi reafirma sira nia pozisaun hodi kontribui paz no hakmatek iha sosiadade nia-leet.
Tinan 8 Ona Kompañia Devita - Mauhein Abandona Projetu Eletrisidade Iha Mauchiga
Maubisse – SMI: Kompañia Devita Unipessoal Lda ho kompañia SE Mahuhein Unipessoal Lda ne’ebé asina kontratu iha tinan 2014 hodi halo instalasaun eletrisidade iha Suku Mauchiga, Postu Administrativu Maubisse, Munisípiu Ainaro, sai abandonadu durante tinan 8 ona tanba to'o ohin loron seidauk finaliza projetu refere, halo komunidade kontinua moris iha nakukun laran.
FM Kestiona Desizaun Governu Fó Seguransa Ba Lider KORK
Díli-SMI: Fundasaun Mahein – FM nu’udar sosiadade sivil ne’ebé halo monitorizasaun no advokásia ba seitor defeza no seguransa iha rai-laran kestiona ba desizaun VIII Governu ne’ebé fasilita seguransa pesoal hosi instituisaun polisial parte Unidade Espesial Polisia – UEP ba lider artemarsial Kmanek Oan Rai Klaran - KORK durante periodu kampaña prezidensial nian.
Estrada Namtate, Akademiku Kritika Kualidade Projetu Governu Anterior
Díli-SMI: Akademiku no Peskizador Sosiál, Ivo Mateus Goncalves, kritika kualidade projetu iha Governasaun anterior sira hanesan auto-estrada iha Suai no estrada foun Manleuana ne’ebé dadaun ne’e namtate hotu tanba udan-boot loron hirak nia laran ne’e.
Jenerál Falur Vizita Komponente Apoiu Servisu F-FDTL
Metinaro – SMI: Xefe Estadu Maior Jeneral Falintil Forsa Defeza Timor-Leste – F-FDTL, Tenente Jenerál, Falur Rate Laek, iha loron segunda, (21/2) hala’o ninia primeiru vizita ba Komponente Apoiu Servisu- KAS iha metinaro hodi haree direta situasaun infra-estrutura, lojistika no seluk tan.
Anin Boot Sobu Uma 81 No Eskola 1 Iha Suku Bucoli
Baucau-SMI: Udan no anin boot ne’ebé akontese orseik (22/12) parte dadersan iha Suku Bucoli, Postu Administrativu Baucau Vila, Munisípiu Baucau konsege estraga komunidade hamutuk ema na’in 81 nia uma inklui edifísiu Ensino Báziku Filiál Bucoli nian.
JU,S: Tuir Loloos Richard Daschbach Hetan kastigu Tinan 30
Óe-Cusse-SMI: JU,S Jurídico Social Consultoria liu-hosi komunikadu imprensa deklara katak bazeia ba gravidade krime ne’ebé eis padre Richard Daschbach komete tuir loloos simu kastigu ka pena prizaun másimu durante tinan 30, tuir lei iha Timor-Leste.